Ish komandanti i Ushtrisë Çlirimtare të Kosovës, Salh Mustafa i njohur si Cali, është shpallur fajtor dhe është dënuar me 26 vjet burgim për krime lufte nga Gjykata Speciale, raporton Gazeta Sinjali.
Pas shpalljes së aktgjykimit ka pasur reagime të shumta, në mesin e tyre edhe të familjarëve të Mustafës. Mbesa e Calit ka bërë një dedikim prekës, teksa është shprehur se ka mbetur pa fjalë pas vendimit të Gjykatës.
“Më fal, po sot mbeta pa fjalë. Kisha pasë qef xhaxh, tash me të pasë në mesin tonë, ku e ke vendin, e për çka ke luftu, në liri.
Por, e di xhaxh, ti je i fortë. Jam shumë e bindur, ke me kalu edhe këtë, e ke me u kthy, më i fortë se kurrë. E si gjithë xhaxh, ke me fitu, edhe këtë betejë.
Të presim, Krenarë gjithmonë me ty, Komandant!”, shkroi ajo.
Arta Mustafa po ashtu ka thënë se xhaxhai i saj u dënua për mbrojtjen e idealeve të luftës e drejtësisë.
