Në shkollën fillore “Vlladisllav Ribnikar” në qendër të Beogradit një nxënës ka qëlluar me armë zjarri në drejtim të nxënësve dhe të sigurimit. Sipas portalit N1, nxënësi është arrestuar dhe së paku një person ka vdekur. Sipas mediave viktima është pjesëtar i sigurimit. Mirëpo sipas informatave jozyrtare, roja nuk është viktima e vetme. Mediat serbe raportojnë se një vajzë është në gjendje kritike, ndërsa dy djem kanë plagë me armë zjarri, transmeton Paparaci.
Në mes të plagosurve ka edhe që janë në gjendje kritike të cilët gjenden në Qendrën Emergjente.
Një i mitur sot në mëngjes rreth orës 8 ka hyrë në shkollën fillore “Vlladisllav Ribnikar” në qendër të Beogradit dhe ka filluar të qëllojë nga revolja e babait të tij në drejtim të nxënësve.
Sipas informatave jozyrtare, janë plagosur pesë fëmijë, arsimtarët i kanë evakuuar nxënësit dhe dy vajza për momentin nuk dihet ku janë./Paparaci