Bjellorusia njoftoi se kreu i Grupit Wagner ra dakord për të de-përshkallëzuar situatën në Rusi.
Tani Yevgeny Prigozhin lëshoi një mesazh audio duke konfirmuar se luftëtarët e tij po kthehen në bazat e tyre për të “shmangur gjakderdhjen”.
Ai thotë se “ka dhënë urdhër që të kthehen për shkak të rrezikut të gjakderdhjes”.
Ky veprim erdhi pasi një kolonë luftëtarësh Wagner hyri në qytetin rus të Rostov-on-Don të shtunën herët në mëngjes. Nga atje, grupi u zhvendos në Voronezh dhe dyshohet se mori kontrollin e të gjitha objekteve ushtarake në qytet.
Raportet sugjeruan se luftëtarët vazhduan përgjatë autostradës M4 dhe zyrtarët në Lipetsk, qyteti tjetër në veri të Voronezh në rrugën për në Moskë, u kërkuan qytetarëve të qëndrojnë brenda.
– Më 23 qershor filluam Marshin e Drejtësisë. Nuk kemi derdhur asnjë pikë gjak nga luftëtarët tanë.
Ndersa zyra e presidentit bjellorus, Aleksandër Lukashenko njoftoi të shtunën se Yevgeny Prigozhin, kreu i grupit mercenar rus Wagner, kishte rënë dakord të de-përshkallëzonte situatën dhe të ndalonte luftëtarët e tij në Rusi, pasi një burim tha se një kolonë prej 5,000 luftëtarësh Wagner po i afrohej Moskës.
Bjellorusia tha se Lukashenko, në marrëveshje me presidentin rus Vladimir Putin, bisedoi dhe arriti një marrëveshje me Prigozhin.
Në një deklaratë të publikuar në kanalin zyrtar Telegram të Presidencës Bjelloruse, thuhet se Prigozhin ka rënë dakord të ndalojë lëvizjen e mëtejshme të luftëtarëve të Wagner në Rusi.
Një burim pranë autoriteteve në pjesën e kontrolluar nga Rusia të rajonit të Donetskut të Ukrainës tha më herët të shtunën se autokolona e Wagner, e cila po i afrohej Moskës me rrugë, përbëhej nga afërsisht 5,000 trupa nën komandën e komandantit të lartë Dmitry Utkin.
Burimi, i cili më parë është shfaqur i besueshëm, tha se bosi i Wagner ka më pak se 25,000 burra në total, me rreth 5,000 prej tyre të vendosur në Rostov-on-Don, një qytet jugor kyç për pushtimin rus të Ukrainës, të cilin Prigozhin tha se ai e kontrollon.
Burimi tha se plani i Wagner në Moskë është të marr pozicione në zona popullsi të dendur. / Pa Rrotlla
