Në Rusi ka përfunduar rebelimi njëditor i mercenarëve të “Wagner”. U hapën llogore rreth Moskës, Putin foli për tradhti dhe në fund të gjithë u falën. Analistët thonë se kjo është një goditje e rëndë për presidentin rus.
Autoritetet ruse do të hedhin poshtë të gjitha akuzat dhe do të ndërpresin hetimin kundër shefit të paraushtarakut mercenar Yevgeny Prigozhin , por në këmbim ai do të duhet të largohet nga vendi dhe të vendoset në Bjellorusi. Mercenaret e tij që morën pjesë në rebelim do të falen dhe Wagnerianët e tjerë do të mund të nënshkruajnë kontrata me ushtrinë e rregullt ruse, thotë një burim nga Kremlini.
Ky, me pak fjalë, është rezultati i një të shtune të tensionuar, gjatë së cilës, si të thuash, pa asnjë të shtënë, trupat e Wagner mbërritën vetëm dyqind kilometrave nga Moska, pasi kishin marrë më parë kontrollin e Rostovit dhe Voronezhit.
Gjatë ditës, presidenti rus Vladimir Putin foli për një “thikë pas shpine” dhe kërcënoi me hakmarrje. Prigozhin, nga ana tjetër, foli për “çlirimin e Rusisë” dhe se 25 mijë ushtarët e tij ishin gati për të shkuar deri në fund.
Asgjë nuk doli prej saj. Konflikti midis Prigozhin dhe udhëheqjes ushtarake, që mund ta kishte vënë Rusinë në një situatë shumë të sikletshme, me sa duket është zgjidhur, ndërkohë që kundërsulmi e ushtrisë ukrainase vazhdon në fushën e betejës në Ukrainë. Por me çfarë kostoje e qetësoi Kremlini situatën?
Një goditje e rëndë për imazhin
Me sa duket, Putin nuk do t’i drejtohet publikut për këtë.
“Do të ishte shumë e vështirë për të që të shpjegonte këtë kthesë të ngjarjeve dhe këtë poshtërim,” thotë Inna Rück , korrespondente e shërbimit publik gjerman ARD nga Moska.
“Rebelimi nuk u organizua,” thotë Rück.
“Të gjithë kemi parë pamjet e gërmimit të llogoreve nëpër autostradë për të bllokuar përparimin e trupave të Wagner. Tani po i mbushin ato llogore”.
Sipas këtij gazetari, Kremlini mori hak për dorëzimin e një pjese të monopolit të forcës në duart private të paraushtarakëve që bënin “punën e pistë”. Në fund, pati pothuajse një konflikt të hapur në territorin rus.
“Është një goditje e rëndë për imazhin e Putinit. Nuk e di se si do të dalin prej saj”, shton Rück, raporton DW
Sipas Washington Post, inteligjenca amerikane kishte informacion për një rebelim të mundshëm nga Wagner që nga mesi i muajit, dhe një ditë para rebelimit, ata informuan Shtëpinë e Bardhë për këtë. Sipas informacioneve të tyre, Putin e dinte për rebelimin të paktën një ditë më parë kur kreu i Mercenarve e kercnoi direkt permës telefonit.
Prigozhin përdori sulmin e supozuar ajror të ushtrisë së rregullt në një kamp Wagner, në të cilin, siç pretendon ai, shumë nga luftëtarët e tij u vranë. Ministria e Mbrojtjes mohoi këto akuza, si dhe se ka pasur fare sulme.
Prej muajsh, Prigozhin ka sulmuar hapur verbalisht udhëheqjen ushtarake ruse, veçanërisht ministrin e Mbrojtjes Shoigu dhe shefin e Shtabit të Përgjithshëm Gerasimov . Ai pretendon se nuk po e furnizojnë me municion të mjaftueshëm ose se po e lënë të bllokuar në fushën e betejës ukrainase. / A.Gashi Pa Rrotlla
