Xhelal Sveçla, ministër i Punëve të Brendshme, ka komentuar situatën në veri të vendit.
Ai tha se nuk pret diçka pozitive nga ana e presidentit të Serbisë, Aleksandar Vuçiq dhe qeveria serbe, pasi shtoi se janë financuesit dhe mbështetësit kryesor të grupeve kriminale në veri, raporton Paparaci.
Nga ana tjetër, ai theksoi se të gjithë keqbërësit do të dalin para drejtësisë, pasi Policia e Kosovës në bashkëpunim me Prokurorinë Speciale po merren me këto raste.
“Unë nuk pres diçka të mirë as nga Vucic as nga qeveria e Serbisë, të cilët realisht janë mbështetësit, udhëheqësit dhe financuesit e këtyre grupeve kriminale. Nuk pres që këta në një moment të vendosin se do t’i lënë këto praktika. Është në dorën, obligimin e institucioneve të Kosovë, që këta kriminelë të luftohen 24/7 dhe atë suksesshëm. Kjo është garancia që këta mos t’i përsërisin këto vepra. Përndryshe, prej këtyre nuk pres asgjë të mirë”, u shpreh ai, në një konferencë për media.