Vlera e koeficientit në Ligjin e Pagave do të jetë 105 euro, është bërë e ditur në mbledhjen e Qeverisë të mërkurën. Ligji që hyn në fuqi pas pak ditësh rregullon çështjen e pagave për mbi 82 mijë punëtorët e sektorit publik, shkruan Periskopi.
Për të llogaritur pagën duhet shumëzuar vlerën e koeficientit me koeficientin. Pasi që vlera e koeficientit është 105 euro, zyrtari që ka pagë në koeficient 5 do të marrë pagë 525 euro bazë, pa llogaritur shtesat. Paga më e lartë do të jetë ajo e presidentit me koeficientin 18, apo 1890 euro. Bazuar në deklarimin e pasurisë, Presidentja deri më tani ka pasur një pagë rreth 2700 euro, dhe tash do të ketë rreth 800 euro më pak.
Me koeficientin e ri, kryeministri do të ketë pagë Kryeministri 1785 euro, ndërsa e ka pasur rreth 1300 euro. Në Ligjin për Paga janë 136 nivele të koeficienteve, me raport prej 2 në 18. /Periskopi/
