CIVILIZIMI YNË
Në konceptet ideo – artistike, brenda imazheve, brenda stilit dhe simbologjisë “fshihen” shenjat dhe kodet më të lashta të civilizimit. E keni lexuar librin “Kodi i Da Vinqit” ? Krahasuese me këtë, është veshja popullore e Medvegjes. Një veshje unike, që s’ka përngjasim! Brenda kësaj veshje, ka një bashkëdyzim përrallorë trashëgimie e kulture të çuditshme. Mbase, parailire. Sipas studimit të dr. Qazim Namanit, kjo është veshja popullore kombëtare, pa diskutim: më e lashta në Evropë, e më gjerë !
Plotë simbole e kode, unike e universale në kompleksin iliro – europian, e përmbushin mozaikun mijëravjeçarë të etnogjenezes, gjuhës, kulturës, artit, besimit, politikës, identitetit etj. Prandaj, do t’ishte e pafalshme nëse kjo veshje që përfshin taksativisht regjionin e Medvegjes nuk merret në mbrojtje të veçantë nga institucionet kultutore-shtetërore në Prishtinë e Tiranë. Gjithsesi, kjo veshje popullore shqiptare, ishte dashur të adresohet qyshkur, edhe në UNESCO
Fehmi Ajvazi
21.08.2023
