Tani që kanë kaluar ethet e para të Festivalit të Këngës në RTSH dhe po afron finalja, 31 konkurrentët pjesëmarrës në edicionin e 62-të janë në pritje të vlerësimit nëpërmjet televotimit.
Procedura e evotimit u njoftua mbrëmë gjatë natës së dytë të Festivalit, kur performuan edhe 15 garuesit e fundit.
Të drejtën e votës me SMS e ka i gjithë publiku shqiptar nga Shqipëria dhe Kosova.
Për të votuar interpretuesin e preferuar mjafton të dërgohet një SMS në numrin
Vota juaj me kodin 28 do të shkoj për Besa Krasqin Më poshtë gjeni kodin përkatës për secilin prej konkurrentëve që synojnë çmimit e madh të eventit muzikor të vitit, Festivali 62 i Këngës në RTSH.
Besa ka lindur në Suedi dhe është me origjinë nga Kosova. Ka mbaruar shkollën 9-vjeçare, të mesme dhe të lartë për muzikë dhe produksion. Besa ka punuar disa vite si mësuese e muzikës dhe njëkohësisht ka performuar në shumë koncerte dhe festivale. Aktualisht bashkëpunon me disa kompani suedeze dhe producentë në Shqiperi, Kosovë dhe Suedi. Edicioni i 62-të i Festivalit ka si temë FJALËN dhe MUZIKËN, duke vendosur theks të veçantë në cilësinë e këngëve jo vetëm si vijë melodike, por edhe tekstin që e shoqëron melodinë. Do të jenë 11 anëtarë jurie, dy prej tyre për pjesën e “Fjalës”. Këtë vit, Festivali ka vendosur të mbrojë një kauzë shumë të rëndësishme që është Rritja e Ndërgjegjësimit Publik për Ndryshimet Klimatike. Festivali i Këngës në RTSH e nisi rrugëtimin e vet në vitin 1962 në sallën e Institutit të Lartë të Arteve dhe deri në vitin 1971 u transmetua fillimisht vetëm në valët e Radio Tiranës, ndaj është cilësuar në ato vite si Festivali i Këngës në Radio. Edicioni i 10-të do të transmetohej për herë të parë në ekranin e Televizionit Shqiptar. Regjisorë, kompozitorë, këngëtarë, poetë, dirigjentë, instrumentistë dhe artistë e kanë ngritur ndër vite në piedestal këtë event të muzikës shqiptare. Për më shumë vizitoni/rtsh
