Nënkryetarja e PDK-së, Vlora Çitaku, ka shkruar në rrjete sociale lidhur me disa agjende që po shtyhen përpara nga Rusia.
Këto ndërlidhen me akuzat për trafikim të organeve nga Ukraina. Çitaku ka kujtuar se metoda të njëjta Rusia kishte përdorur edhe për Kosovën, çka dërgoi në krijimin e Gjykatës Speciale, duke e shpërndarë një postim të ambasadës ruse.
Shkrimi i plotë:
Rusia ka filluar që në mënyrë agresive ta shtyej trillimin se Ukraina po bënë trafikim të organeve në zonat e luftës.
Ambasadat e Rusisë nëpër botë po shpërndajnë “informata” të tilla nëpër platformat e tyre zyrtare në rrjete sociale.
Skenari i njejtë si me Ushtrinë Çlirimtare të Kosovës.
Institucionet tona, Presidentja, Kryeministri, Ministrja e Punëve të Jashtme duhet të këndellen urgjentisht.
Mosdurimi ndaj Hashim Thaçit, Kadri Veselit, Jakup Krasniqit e Rexhep Selimit nuk duhet tua mundë dashurinë për Kosovën.
Në Hagë sot, historia dhe lufta jonë për liri janë braktisur nga shteti.
