Hendbollisti Kushtrim Kastrati i ka dhënë fund karrierës si lojtar të dielën mbrëma. Ai është përshëndetur me ndeshjen finale të Kupës së Republikës së Kosovës në hendboll mes Besa Famgasit dhe Trepçës. 36-vjeçari ka përfunduar karrierën me trofeun e Kupës të fituar me skuadrën e Trepçës.
Hendbollisti nga Drenasi ka kontribuuar shumë gjatë në hendbollin kosovar si lojtar i dalluar. Pos për Drenicën ka luajtur edhe për Besa Famgasin, Prishtinën dhe për Trepçën. Ka fituar trofe, ndërsa është shquar edhe me sjellje të mira.
Federata e Hendbollit e Kosovës e falënderon për kontributin si lojtar dhe i dëshiron suksese të reja shkruan në faqën saj zyrtare.
Familja e madhe Trepça e falënderon Kushtrimin për kontributin e madh që ka dhënë për klubin tonë. Kushtrimi ishte pjesë e jona në disa periudha, ndërsa është dalluar me përkushtim, sjellje të mira dhe angazhim për ngjyrat e skuadrës. Lëndimet e kanë penguar shumë së fundi, por megjithatë është angazhuar maksimalisht dhe ka kontribuuar në sukseset e skuadrës.
