Në MCN tv, të dielën në ora 21:30 “ Ne Jemi Një” një emision show argëtues e kulturor, që i mungon ekraneve në vend.
Autori dhe moderatori i “Ne jemi një”, Milaim Zeka, në “MCN live”, tregon emocionet që priten të preken përmes këtij show, i cili do të sjell figura, të ftuar nga Shqipëria, Kosova, Mali i Zi, Maqedonia e diaspora për të treguar se jemi bashkë dhe një si shqiptar.
“Ne do të sjellim figura të shumta nga të gjitha trojet shqiptare.
Ne kemi heronjtë tanë, siç janë Adem Jashari, të cilin e konsideroj një Skënderbe tjetër, dhe një detaj që do të jap këtu, p.sh, babai i bashkëshortes së presidentit Bajram Begaj, i cili e ka ushtruar Adem Jasharin, që në vitet ‘90ta kur kanë ardhur grupet e para në Shqipëri, kjo tregon se pa Kosovë nuk ka Shqipëri, dhe anasjelltas.
Ne do të jemi një dhe do të jemi ndryshe ne emision. Pa tendencë për klikime, do jemi show i shikimeve familjare e jo i klikimeve. Do të ftojmë vip që vërtetë janë vip, do sjellim batuta, toponime, do të sjellin eksperiencat e të dyja anëve të shtetit, do bëjmë promovim të turizmit, bizneseve, që të vijnë nga jashtë të shohin këtë vend të bukur.
