Në orët dhe ditët në vazhdim, liderët e Serbisë dhe qytetarët e saj duhet të kuptojnë: Legjitimiteti i proceseve demokratike varet nga transparenca dhe vullneti i të gjitha palëve, qofshin ato fituese apo humbëse, për të respektuar vullnetin e popullit të shprehur në kutinë e votimit. , ka shkruar në platformën X ambasadori amerikan në Serbi Kristofer Hill.
Puna e institucioneve zgjedhore mbetet jetike, edhe pse Serbia punon me OSBE-në dhe të tjerët për të adresuar mangësitë në proceset e saj demokratike. Ankesat duhet të dorëzohen me mjete ligjore, paqësore, jo të dhunshme.
Dhuna dhe vandalizmi ndaj institucioneve shtetërore nuk kanë vend në një shoqëri demokratike, thotë Hil. Duke qenë se policia ruan rendin publik, ajo duhet të bëjë gjithçka për të mbrojtur dinjitetin dhe të drejtat civile të qytetarëve.
Në fund ai deklaroi se ka besim të plotë “se Serbia do t’i kalojë këto sfida me një demokraci të forcuar”. Të gjithë qytetarët e Serbisë kanë të drejtë të dëgjohen dhe përgjegjësinë për t’i shprehur pikëpamjet e tyre politike në mënyrë paqësore dhe pa përdorur dhunë, përfundoi ambasadori amerikan. /dans
