Një ngjarje e rëndë ka ndodhur në Itali, ku një autobus ka rënë nga mbikalimi në Mestre, Venezia dhe ka përfunduar mbi shinat e trenit. Pas përplasjes autobusi ka marrë flakë.
Në dritën e informacioneve fillestare rezulton se aksidenti shkaktoi disa dhjetëra të plagosur dhe të paktën 21 të vdekur, mes të cilëve dy fëmijë. Të dhënat po verifikohen.
Autobusi, me njerëz të shumtë në bord, ra nga mbikalimi në Via dell’Elettricità, në Mestre, duke u përplasur në hekurudhën që shkon përgjatë rrugës, sot në mbrëmje.
Sipas burimeve të para të publikuara për aksidentin, autobusi ka depërtuar gardhin e mbikalimit të Vempës dhe para se të zbriste në shinat e linjës hekurudhore, ka përplasur kabllot e energjisë elektrike, duke marrë flakë.
Në vendngjarje kanë shkuar me shpejtësi zjarrfikësit, 118 punonjës shëndetësorë dhe efektivë të policisë së shtetit.
