Një aksident i rëndë trafiku ka ndodhur në autostradën “Ibrahim Rugova”, ku kanë vdekur tre persona.
Lordi Syla, Molos Delija dhe Nue Bibaj janë tre personat që kanë vdekur në aksident.
Pas aksidentit aty kanë dalë policia për t’u marrë me rastin e rëndë të aksidentit tragjik.
Lidhur me këtë rast Policia e Kosovës ka raportuar në raportin e saj ditor
Ata thonë se deri te vdekja e 3 personave ka ardhë si rezultat i humbjes së kontrollit në drejtimin e automjetit nga një shofer.
Po ashtu 3 persona të tjerë kanë marrë lëndime dhe janë dërguar për të marrë ndihmë mjekësore.
Trupat e viktimave janë dërguar në mbajtje, ndërsa i dyshuari për aksidentin pas intervistimit është dërguar në mbajtje.
“Autostrada-Ibrahim Rugova, (km-15) 16.12.2023-22:45.Gjatë ngasjes në autostradë i dyshuari kosovar dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë. Si pasojë, tre personat e goditur kanë humbur jetën, ndërsa tre të tjerë kanë pësuar lëndime dhe janë dërguar për tretman mjekësor. Në vendin e ngjarjes ka dalë edhe prokurori i rastit dhe me vendimin e tij (tre) trupat e pajetë pasi është konstatuar vdekja e tyre nga ekipi mjekësor, janë dërguar në IML për obduksion. Me urdhër të prokurorit, i dyshuari është dërguar në mbajtje. Hetimet lidhur me këtë aksident janë duke u kryer nga njësitet relevante policore”, thuhet në raportin e Policisë.