Polici i stacionit policor në Drenas e shkelmon të miturin Bleart Gjokajn 16 vjeçar i cili në ato momente i ka duart e lidhura!
Ngjarja ka ndodhur në Palestrën e Sporteve në Drenas. Sipas familjareve krimi nuk mbaron këtu.
Policia e ka rrahur të miturin Bledar Gjokaj në veturë dhe në Stacionin e Policisë!, tregojnë burimeve të portalit “Pa Rrotlla”.
Menjëherë pas raportimit tonë IPK rekomandon suspendimin për tre zyrtarë policorë në Drenas që përdoren dhunë ndaj Bleart Gjokajt
Inspektorati Policor i Kosovës respektivisht Departamenti i Hetimeve ka pranuar përmes Linjës së Kaltër (numri i telefonit pa pagesë 080003333) ankesë nga një qytetar i cili ankohej për tejkalim të autorizimeve policore gjatë përdorimit të forcës nga zyrtarë policorë në Drenas.
Ngjarja është raportuar të ketë ndodhur më 10.06.2024 në Drenas rreth orës 20:00 në një ndeshje në palestrën sportive ku pas përfundimit të saj zyrtarët policor kishin arrestuar një të dyshuar.
Rasti është regjistruar në IPK dhe hetuesit janë angazhuar duke ndërmarrë veprime konkrete hetimore.
Pas disa veprimeve hetimore në konsultim me prokurorinë kompetente hetuesit e IPK-së në interes të hetimit kanë dhënë rekomandimin për suspendim nga detyra për tre zyrtarë policorë të cilët janë të dyshuar për veprën penale “keqtrajtim gjatë ushtrimit të detyrës zyrtare”.
Veprimet e mëtutjeshme hetimore lidhur me këtë rast do të vazhdojnë nga hetuesit e IPK-së në konsultim të vazhdueshëm me prokurorin
