Nga Dr. Valon Murtezaj
Një dilemë kjo, e liderit apo kultit, të ardhshëm, që kthehet në aspiratë.Kulturë lidershipi apo marrëdhënie “lidershipi” e kultit?
Kultura e lidershipit të vërtetë vlerëson besimin dhe mundësitë për veprim të pavarur, lirinë e zgjedhjes dhe shprehjes së hapur të ideve dhe vizioneve. Duke mundësuar në këtë mënyrë një komunikim dhe një frymëmarrje të lirë në punën ekipore. Në këto përpjekje, vlerat etike të kulturës janë ato që përkufizojnë konceptin e lidershipit, dhe detyra e liderit është të krijojë një kulturë që integron çdo individ në një bashkim natyral.
Në rastin tjetër fatkeq, në kultin e liderit qëndron gjithmonë një individ me ego dhe arrogancë që në përfundim mbyt lidershipin. Aty ka vend vetëm për pak njerëz. Kultet karakterizohen me shumë retorikë, nuk dëgjojnë, improvizojnë, dhe njerëzit frikësohen të flasin hapur për atë që mendojnë. Një pjesë e problemit të lidershipit të kultit është, edhe ajo se njerëzit bëjnë gabim dhe e mendojnë lidershipin vetëm në kuptimin e liderit si individ, dhe jo si do të duhej si një marrëdhënie mirëbesimi ndërmjet liderit dhe përkrahësit.
Është në liderin të përzgjedh udhën që do ta bëj.
Sepse, paradoksale, por janë udhëheqësit që e humbin rrugën.
*Dr. Valon Murtezaj – IÉSEG School of Management, France.