Armand Duka, presidenti i FSHF-së, në një intervistë për News24, dy ditë përpara shortit të “Euro2024”, nuk nguroi të shpreh dëshirat e tij. Duka pranon me kënaqësi të ketë Serbinë në grup, ndërsa shpjegoi pse ka “frikë” nga Italia. Numri një i futbollit shqiptar foli me bindje se Shqipëria mund ta kalojë fazën grupeve, ndërsa zbuloi edhe planin e FSHF-së për të rinovuar kontratën me Sylvinho-n.
Pyetjes se :- Mes Serbisë dhe Zvicrës se Xhakës dhe Shaqirit, kë do preferoje?, presidenti është përgjigjur. Si kundërshtar? Sigurisht Serbinë. -Më bëri shumë përshtypje deklarata e presidentit të Federatës Serbe, “zot mos të na bie Shqipëria”, u shpreh… Po ai e ka njohur forcën e Shqipërisë gjatë këtij edicioni dhe nuk dëshiron të përballet. Por e thashë, edhe nga vazo e jonë, me këdo të përballet Serbia do të jetë e vështirë, janë skuadra të forta. Nuk besoj se ka pasur të drejtë kur thotë: Zot mos të na bie Shqipëria.
