Ish sekretari i Qeverisë, Muhamed Zeqiri u dënua me burg prej 2 vjet e gjysmë. Nga 2 vjet e gjysmë ai do të mbajë vetëm 11 muaj, kjo për shkak se do t’i llogaritet edhe koha që ka kaluar në paraburgim dhe arrest shtëpiak. Ndërkohë sipas vendimit të gjykatës Zeqiri do të duhet t’i kthej rreth 1 milionë euro në buxhetin e shtetit, pas vendimit të plotfuqishëm.
Muhamed Zeqiri gjithashtu duhet t’i paguaj të gjitha shpenzimet gjyqësore.
Zeqiri u shpall fajtor për lidhje të kontratave për shërbime konsulente për analizimin e situatave në Postat dhe Hekurudhat e RMV-vë, pa procedurë për prokurim publik dhe me këtë, sipas Prokurorisë, e ka keqpërdorur detyrën dhe autoritetin zyrtar.
Gjykata hodhi poshtë kërkesën e Prokurorisë për Ndjekje të Krimit të Organizuar për konfiskimin e pasurisë në bazë të vlerës së dëmit në buxhetin e shtetit. Sipas shkallës së parë, pasuria e Zekirit rezulton të jetë përfituar mbi 10 vite para se ai ta kryen veprën penale dhe për këtë arsye nuk ka bazë për konfiskim. Zekiri në cilësinë e sekretarit të përgjithshëm të Qeverisë u akuzua për shpërdorim të detyrës zyrtare mbi dyshimet për marrëveshje në katër sy me kompaninë “Interholding” për shërbime konsultative mbi privatizimin e mundshëm të Postave të Maqedonisë dhe Hekurudhat e Maqedonisë-Transporti. Prokuroria e ndjekës së krimit të organizuar ka vlerësuar se Zekiri në cilësinë e sekretarit të përgjithshëm nuk ka zbatuar prokurim publik dhe nuk ka dhënë mundësi për oferta tjera. /Alsat.mk
