Muharrem Ince akuzohet për ryshfet dhe pjesëmarrje në një film seksi. Tani kandidati për president të Turqisë tërhiqet nga zgjedhjet e së dielës.Një “lëvizje shokuese” që mund të godasë rëndë Rexhep Tajip Erdogan, sipas AFP.
Në Turqi, një kandidat në zgjedhjet presidenciale njoftoi të enjten se po tërhiqej nga gara, një veprim që ka të ngjarë të forcojë mbështetjen për kundërshtarin e Presidentit Rexhep Tajip Erdogan.
Muharrem Ince, kreu i Partisë Atdheu i qendrës së majtë, ishte mes katër pretendentëve që kandidojnë për president në zgjedhjet e 14 majit, kur votohet edhe për parlamentin e vendit.
Zoti Ince u kritikua ashpër për ndarjen e votave të Aleancës Kombëtare të përbërë nga gjashtë parti, e cila mbështet kandidaturën e kreut të partisë kryesore opozitare Kemal Kilicdaroglu, dhe për shkak të mundësisë që mund të çonte në një raund të dytë votimesh për president.
