“Mendoj që zgjidhja është si vijon: Ne duhet të ulemi me Shtetet e Bashkuara të Amerikës të përgatisim draftin tonë, draftin e Republikës së Kosovës”.
Kjo është ideja e fundit e presidentes Vjosa Osmani, të cilën e shpalosi mbrëmjen e 27 shtatorit, vetëm dy ditë pasi ishte kthyer nga Shtetet e Bashkuara të Amerikës, ku mori pjesë në hapjen e sesionit të ri të punës së Asamblesë së Përgjithshme të OKB-së, por që vazhdon të mos marrë përgjigje zyrtare nga Qeveria e Kosovës.
Sipas saj, kjo është rruga që duhet ta ndjekë Kosova pas pranimit nga ana e kryeministrit Kurti të planit franko-gjerman apo Marrëveshjes Bazë të Brukselit (27 shkurt 2023) dhe Aneksit të Ohrit (18 mars 2023) lidhur me formimin e Zajednicës apo Asociacionit të Komunave me Shumicë Serbe, shkruan Demokracia.com.