Zëdhënësja e Komisionit Evropian Ana Pisonero deklaroi sot në një konferencë për shtyp se Komisioni konkludon, me shqetësim, se është e nevojshme të përmirësohet dhe reformohet procesi zgjedhor në Serbi.
Ajo tha se janë konstatuar mangësi në raportet preliminare të vëzhguesve ndërkombëtarë të OSBE-së për zgjedhjet e mbajtura më 17 dhjetor.
Komisioni Evropian ka shprehur shqetësimin për procesin zgjedhor në Serbi, duke qenë se funksionimi i duhur i institucioneve demokratike është kushti kryesor për anëtarësimin e Serbisë në Bashkimin Evropian (BE), potencoi Ana Pisonero në konferencën për shtyp të mbajtur sot me rastin e konkluzionet paraprake të vëzhguesve ndërkombëtarë të ODIHR-it pas zgjedhjeve të mbajtura më 17 dhjetor.
Në konferencën e mbajtur në selinë e BE-së, u theksua se Komisioni pret raportin përfundimtar të ODHIR-it dhe rekomandimet për zgjedhjet e ardhshme, të cilat duhet të zbatohen sa më shpejt dhe para zgjedhjeve të ardhshme.
Nga autoritetet kompetente në Serbi pritet që në mënyrë transparente të ofrojnë raporte të besueshme për parregullsitë e përmendura zgjedhore.
Opozita pretendon se ka pasur shkelje në zgjedhjet lokale në Beograd dhe komunat e tjera, së bashku me një thirrje drejtuar udhëheqjes politike serbe për të siguruar një dialog konstruktiv të të gjithë spektrit politik.