Kandidati për President i Shteteve të Bashkuara të Amerikës, Donald Trump ka thënë se do të tërheqë trupat amerikanë nga shumë vende, nëse rizgjedhet.
Sipas tij, Washingtoni shpenzon miliarda dollarë për mbrojtjen ushtarake të disa vendeve dhe në të njëjtën kohë nuk merr trajtim të favorshëm për fermerët e tij, raportojnë mediat e huaja.
“Trupat tona i mbrojnë, ndërsa ata nuk na paguajnë pothuajse asgjë… Shumë prej tyre na urrejnë, por ne i mbrojmë ata”, tha Trump.
Trump shtoi se trupat amerikane do të kthehen menjëherë në shtëpi dhe se Shtetet e Bashkuara nuk do të shpenzojnë para në këto vende, por ai nuk specifikoi se cilat shtete i referohej.
