Kryeministri i Kosovës, Albin Kurti, ka mbajtur një konferencë të mediave, i shoqëruar nga ministri i Punëve të Brendshme, Xhelal Sveçla, pas situatës së krijuar në veri.
Ai iu drejtua gazetarëve që ishin prezent në konferencë, ndërsa në një moment kërkoi vëmendje në atë se çfarë po thoshte.
Kurti teksa ishte duke shpjeguar se si Serbia i frynte vazhdimisht numrat e civilëve serbë që duhej të kthehen në Kosovë, u shpreh se kjo më nuk po ndodh.
Tani sipas tij, Serbia po flet për kthimin e ushtrisë në Kosovë. Për këtë, ai kërkoi që gazetarët ta vërejnë këtë diskurs të Serbisë.
“Ju të nderuar gazetarë e dini shumë mirë që vazhdimisht Serbia i frynte numrat e civilëve serbë që duhej të kthehen në Kosovë. Vëreni me kujdes se çfarë po ndodh tani. Serbia s’po flet më për kthimin e civilëve serbë, flet për kthimin e ushtrisë serbe, dhe kjo është për militarizimi ne atij shteti dhe asaj shoqërie”, deklaroi Kurti.
