Projektligji për tërheqjen e Trustit Pensional nuk ka kaluar në Kuvend. Në sallë ishin 101 deputetë, prej të cilëve 97 kanë votuar. Sipas kryetarit të Kuvendit, Glauk Konjufca, 42 deputetë kanë votuar në favor të projektligjit.
Ndërsa 55 kanë votuar kundër. Kryekuvendari ka thënë se nuk ka pasur asnjë abstenim. Kujtojmë se është propozuar që me ndryshime ligjore, personat të cilët kanë deri në 10 mijë euro kursime, të mund të tërheqin deri në 30 për qind të tyre.
Ata që posedojnë 10 deri në 20 mijë, të tërhiqnin 25 për qind dhe ata që kanë mbledhur mbi 30 mijë euro t’i tërheqin deri në 10 për qind. Mirëpo projektligji në fjalë nuk ka kaluar sot në Kuvend. Projektligji mund të kalonte nëpërmjet votimit me shumicë të thjeshtë, konkretisht 31 vota për dhe 61 pjesëmarrës total në votim. Opozita ka braktisur seancën e Kuvendit të Kosovës, pasi nuk është miratuar nisma për tërheqjen e mjeteve nga Trusti.
