Kosova ka blerë një vilë luksoze në mes të Londrës në vlerë 6.5 milionë funte (7.4 milionë euro), për ta zhvendosur ambasadën e saj. Këtë pazar e ka bërë “argati ” i Albin Kurtit, Ilir Kapiti i cili kontrolloi edhe për “Fondin e Luginës”
Siç bën të ditur e përditshmja britanike The Telegraph, vila që ka rreth 530 m2 hapësirë, deri tani i përkiste komedianit të njohur Spike Milligan
“Pazarin” për blerjen e rezidencës e ka bërë ambasadori i Kosovës në Britani, Ilir Kapiti ndërkaq marrëveshja e shitjblerjes është ndërmjetësuar nga agjencia “Beauchamp Estates”, bën të ditur mediumi.
Nga rruga “John Street” në Holbron ku tani ndodhet ambasada e Kosovës në Londër, do të zhvendoset në vilën që gjendet fare pranë një prej parqeve më të mëdha të Londrës, i njohur si Hyde Park.
Sipas mediumit britanik, stafi kosovar i ambasadës do të hyjë në objekt pasi që punët e renovimeve të jenë përfunduar.
Kjo vilë është ndërtuar në vitin 1890, dhe raportohet se ka dhoma të mëdha në përdhesë dhe katin e parë. Po ashtu ka tavane të larta dhe dritare të gjata dhe është e vendosur në një prej rajoneve më të favorvshme që kërkohen për ambasada.
Ndersa Shqiprim Afrifi kryetar i Preshevës tregon se “Shaip Kamberi, Ardita Sinani, Ilir Kapiti që është ambasador në Britaninë e Madhe dyshohet për keqpërdorim të fondeve të ndara nga Qeveria e Kosovës ndaj Luginës së Preshevës. Normalisht Ilir Kapiti ka qenë kryetar i komisionit dhe ai duhet të paditet”, tha ai.
“Qytetarët dhe shoqatat tjera na kanë sjellë informacione. Ideja ka qenë të subvencionohet shoqëria. Shoqatat kanë qenë fantome dhe fiktive. Kanë qenë të lidhura me Shaip Kamberin, ose Ardita Sinanin ose Ragmi Mustafa. Kanë edhe lidhje gjaku. Shuma është afro 3 milionë euro”, tregon Arifi.
Duke parë keto informacione duket që pas Martin Berishajt edhe një ambasador tjetër duhet të vizitojë prokurorinë