Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Faton Klinaku, ka përsëritur deklaratën e mbrëmshme që e ndërlidhi me vrasje të kryeministrit të Kosovës, Albin Kurtit.
Klinaku, me anë të një postimi në ‘Facebook’ është shprehur kritik se pse iu është vlerësuar si skandaloze kjo deklaratë.
“Nëse mediave ju duket postimi im si skandaloz, atëherë të më thonë se: A më shumë vlen Albini, apo atdheu ynë?”, ka shkruar ai.
“Prapë po e përsëris pra, nëse ju duket skandaloz postimi i mëhershëm: “Më parë e vras Albin Kurtin sesa ia lëshoj rrugën e iku nga Kosova””, përfundon postimi i kryetarit të u.d. të OVL-UÇK-së.
