Deputeti i Partisë Demokratike të Kosovës (PDK), Hisen Berisha, ka kërkuar dorëheqjen e ministrit të Punëve të Brendshme (MPB), Xhelal Sveçla.
Kjo kërkesë e Berishës vjen pas arrestimit të asamblistit të Vetëvendosjes, Besnik Mujeci, i cili dyshohet të jetë i përfshirë në shitjen e narkotikëve në Shqipëri.
“Dorëheqja e Sveçlës duhet të ndodh për të mos u penguar hetimet si rezultat i afërsisë me eksponentët e organizimit kriminal të trafikimit me drogë tani, ashtu siç po tentohet tejkalimi i aferës ‘incizimet’, ku flitej për trafikim armësh e edhe blerje vrasësish e dëshmitarësh dhe koordinim politikash me armiqtë e sigurisë rajonale dhe të Amerikës”, ka shkruar Berisha në “Facebook”.
Po ashtu, Berisha ka kërkuar edhe dorëheqjen e ministres së Drejtësisë, Albulena Haxhiu.
Po të mos arrestohej kontrabandisti drogës nga policia shqiptare, edhe ky do vazhdonte aktivitetin politik si ministrja Hajdari, ambasadori Berishaj, etj.
Fatbardhësisht që autorin e krimit të trafikimit më drogë, (asamblist dhe shok i Gëzim Sveçlës, kushëri i ministrit Sveçla, siç raportojnë mediat), e kapi në vepër Policia e Shqipërisë dhe nuk mund ta fshehin nga drejtësia. Përndryshe, policia dhe drejtësia e Kosovës do ishin penguar të veprojnë. Ashtu siç nuk guxuan ta arrestojnë ministren Rozeta Hajdari për krimin e organizuar e korrupsionin me rezervat e shtetit, në grurë e vaj.
Përmbushja e kërkesës ndërqeveritare Kosovë – Shqipëri, për kalim të pa penguar të automjeteve dhe transporteve, nuk do të thotë infrastrukturë lehtësuese për trafikime kriminale.
Prandaj raportet e përfolura të ministrit të Brendshëm, nuk janë të rastit, ndaj i njëjti duhet të dorë hiqet apo edhe të shkarkohet por jo nga përgjegjësia.
Dorëheqja e Sveçlës, duhet të ndodh për të mos u penguar hetimet si rezultat i afërsisë me eksponentët e organizimit kriminal të trafikimit me drogë tani, ashtu siç po tentohet tejkalimi i aferës “incizimet”, ku flitej për trafikim armësh e edhe blerje vrasësish e dëshmitarësh dhe koordinim politikash me armiqtë e sigurisë rajonale dhe të Amerikës.