Dy suedezë janë qëlluar për vdekje në Bruksel, konfirmon policia belge për Reuters.
Ndeshja kualifikuese për Kampionatin Evropian mes Belgjikës dhe Suedisë u anulua pasi lojtarët nuk donin të vazhdonin të luanin.
– Ajo që ka ndodhur është shumë e rëndë, thotë kryetari i Federatës së Futbollit të Suedisë Fredrik Reinfeldt shkruan gazeta suedeze Expressen
Dy suedezë janë qëlluar për vdekje në qendër të Brukselit të hënën në mbrëmje, pak më shumë se një orë e gjysmë para ndeshjes kualifikuese të Kampionatit Evropian midis Belgjikës dhe Suedisë.
Kur lojtarët morën informacioni në pjesën e parë, ata nuk donin që takim të vazhdoj. Ndaj, ndeshja u anulua dhe tifozëve iu kërkua të mos largoheshin nga stadiumi për shkaqe sigurie.
– Të dyja skuadrat, ajo belge dhe suedeze, morën vendimin së bashku me UEFA-n për të mos vazhduar ndeshjen. Ajo që ka ndodhur është shumë e rëndë. Është e tmerrshme të dëgjosh se kemi dy tifozë të vdekur, thotë kryetari i shoqatës së futbollit Fredrik Reinfeldt, në terren në Bruksel.
– Tifozët suedezë duhet të qëndrojnë në stadium. Po kështu edhe kombëtarja. Ata po na ndalojnë, kjo është e arsyeshme. Policia belge ka thënë se vendi më i sigurt është këtu brenda stadiumit.
Shefi i Sigurisë i Federatës Suedeze të Futbollit, Martin Fredman, nuk e di nëse suedezët ishin shënjestra në të shtënat.
– Nuk kemi marrë asnjë informacion të tillë, përveç se viktimat duhet të kenë qenë suedezë. Por ne e dimë për kërcënimin që ekziston kundër suedezëve në mbarë botën. E ndjekim me Ministrinë e Jashtme sa herë që udhëtojmë, thotë Fredman. raporton Expressen.