Kryeministri i Kosovës Albin Kurti eskalon në seancën e sotme të Kuvendit, ku sipas tij po i bëhej gjyqi “njeriut në burg.” E kishte fjalën për Nagip Krasniqin, kryeshefin ekzekutiv të KEK-ut që u arrestua dje për tre vepra penale.
Nuk dihet nëse arrestimi apo deklarimet e opozitarëve për arrestimin e nervozuan Kurtin, por dihet se çfarë fjalësh i tha gjatë kësaj seance parlamentare që do të mbahet mend gjatë.
Emri i Blerim Isufajt po pret të dekretohet nga presidentja e vendit, Vjosa Osmani, tash e një kohë të gjatë.
“Kjo lidhet më shumë se me askënd tjetër me figurën e prokurorit Blerim Isufaj… bëhet fjalë për një prokuror, i cili është mirënjohur në skenën tonë politike që me rastin e vrasjes së ish-shefit të AKP-së, Dino Asanajt, të cilën e kategorizoi si vetëvrasje ndërkaq rastin e vetëvrasjes së ish-drejtorit të informimit në kryeministri, Hamdi Sopës, e shndërroi në vrasje.” – tha ai.
Nga këto fjalë mund ta kuptojmë se presidentja duket të mos e ketë lirinë e vendimit për dekretimin ose jo të Isufajt.
Se sa e rëndësishme është kjo pozitë për Kurtin ishte evidentuar edhe në një intervistë ku u shpreh se “Më e rëndësishme është zgjedhja e kryeprokurorit të ri, se sa zgjedhja ime si kryeministër,” Këto deklarata pastaj ai i kishte përsëritur.
Kurti mbrojti edhe shefin e arrestuar të KEK-ut, duke e rënduar edhe më shumë pavarësinë e sistemit gjyqësor.
“Prokuroria është shumë e zellshme në këtë rast, kur fitimi i KEK-ut në vitin 2022 ka qenë 107 milionë euro.” – u shpreh z. Kurti.
Ai akuzoi deputetët e Kuvendit se i kishin bërë gjyqin Nagip Krasniqit në sallë të Kuvendit. Kryeminsteri po friksohet kur dihet se ky arrrstim doli nga afera e ambasadorit.
“Njeriut në burg i bëhet në parlament gjyqi. Unë nuk ndërhyra po të flitej për KEK-un. Por këtu, i bëhej gjyqi një personi…”
Kryeministri Kurti pati sulme edhe ndaj Gjykatës Kushtetuese që sipas tij po e shkruante kushtetutën për shkak të rrëzimit të Ligjit për Këshillin Prokurorial të Kosovës (KPK).
Kurti tha se Isufajt, aktualisht kryeprokuror në Prokurorinë Speciale, nuk ka fituar asnjë rast në gjykatë dhe nuk ka lëvizur përkundër se, siç tha, AKI i ka ofruuar fakte dhe dëshmi “pa numër” për barrikadat e ngritura nga strukturat paralele në veri.
“Agjencioni i Kosovës për Inteligjencë, pa numër dëshmi, pa numër fakte i ka dërguar prokruroisë gjatë muajit dhjetor dhe janar për 16 barrikadat e strukturave paralele në veri të Kosovës. Asnjë aktakuzë. si është e mundur që AKI i dërgon aq shumë fakte prokurorisë sonë dhe ajo nuk vepron”, tha Kurti. “Dhe duan të merren me presidenten tonë”, shtoi ai.
Për drejtësi na duhet vettingu, tha Kurti. :Për drejtësi na duhet Prokuroria aktive dhe e mirë; për drejtësi na duhet gjyqësori efikas dhe i ditur”, tha Kurti i cili dukej i friksuar duke fol si një diktator në sallën e Kuvendit.
