Dejona Mihali, koordinatore e Komiteteve në LVV, doli me reagim të pas arrestimit të kryeshefit të Bordit të KEK-ut, Nagip Krasniqi.
Ajo ka bërë akuza direkte në drejtim të prokurorit Blerim Isufajt, i cili ende nuk është akredituar nga presidentja Vjosa Osmani në pozitën e kryeprokurorit të shtetit.
Në postimin e saj, zonja Mihali u ka hyrë konspiracioneve, duke theksuar se javën e muajt e ardhshëm do të shohim shumë urdhra nga Prokuroria Speciale.
“Do të shihni këto javë e muaj shumë urdhra nga Prokuroria Speciale. Vjet në këtë kohë bën shumë përpjekje. Shumë hetime, shumë vepra të vjetra të aksioneve tona politike, çdo deklaratë të vitit 2020 për ministrat e kthyen në hetim. Pas një viti prapë. Prokuroria Speciale e Blerim Isufajt në veprim.” – shkroi ajo.
Mihali ka treguar edhe pse sipas saj ndodhin arrestimet.
“Pse do të thoni ju? Kur ja heq një herë në jetë fletëarrestin kryekriminelit Millan Radojciq çka mendoni ju se mund të bëj tjetër një prokuror si Blerim Isufaj përveçse të zhytet edhe më thellë në ujra të zeza.” – shkroi ajo.
“Por qesh mirë kush qesh i fundit. Prokuror Elezin e detyruan të braktiste Kosovën se nuk ua ‘pastroi’ rastin VETERANËT. Po ne nuk ikim. Jemi shumë. Edhe të vendosur. Kosova SHTET I SË DREJTËS.” – përfundon shkrimi i Mihalit.
