Kosova, përfundimisht do të bëhet me Asociacion të komunave me shumcë serbe. Kështu është vendosur në draft-statutin i cili iu prezantua Kosovës dhe Serbisë më 21 tetor nga përfaqësuesit e Bashkimit Evropian (BE), Shteteve të Bashkuara (SHBA), Francës, Gjermanisë dhe Italisë, shkruan Gazeta Neutral.
Përmbajtja e këtij draft-statuti u mbajt i fshehtë nga kryeministri i Kosovës, Albin Kurti duke mos e publikuar për opinionin, derisa garantonte se nuk është i njëjtë me atë të vitit 2013-të dhe 2015-të, të cilat i kundërshtonte kategorikisht. Madje, kishte mbajtur edhe protesta të përgjakshme.
Së fundmi, Gazeta Neutral ka siguruar një pjesë të draft-statutit të Asociacionit ku flitet për legjislacion, shëndetësi dhe ekonomi.
Në Nenin 25, pika 1 dhe 2 e bëjnë të qartë që katër komunat Mitrovica e Veriut, Leposaviqi, Zubin Potoku dhe Zvecani do të kenë policinë e tyre.
Në draft-statut shkruan se Komandanti i Komandës Rajonale të Policisë së Kosovës do të jetë i përzgjedhur nga lista e nominimeve të paraqitura nga Asociacioni.
“1. Komandanti i Komandës Rajonale të Policisë së Kosovës që mbulon katër komunat veriore (Severna Mitrovica/Mitrovica e Veriut, Zveçan/Zveçan, Leposavig/Leposavig dhe Zubin Potok) është përzgjedhur nga lista e nominimeve të paraqitura nga Asociacioni.
2. Kryetarët e këtyre komunave përpilojnë listën e emërimeve”, përfundon pika.
Si e kishte kundërshtuar Kurti themelimin e “Zajednicës”
Kryeministri i Kosovës, Albin Kurti, gjatë kohës sa ishte parti opozitare shquhet për protestat e tij me qindra mijëra njerëz.
Në protestat të cilat Kurti i quante “aksione simbolike”, në fakt ishin të dhunshme pasi shumë polic mbetën të lënduar derisa ishin duke ruajtur rendin dhe ligjin gjatë protestës kundër themelimit të “Zajednicës”.
Së fundmi, në tendencën e Kurtit për të sqaruar se çfarë përmban drafti i statutit për Asociacionin që ka pranuar në Bruksel, ai nuk ka arritur të zbulojë diçka konkrete, përveç se tha është i mirë dhe nuk është Zajednicë.
“Kjo qartazi nuk është Zajednicë, ashtu siç ishte më parë. Sepse atëherë nuk do ta diskutoja. E dyta, në vlerësimin tim politik bëhet e qartë që mekanizimi që do të themelohet do të ketë karakter bashkëpunues. Nuk ndërhynë në kompetenca të askujt. E mbyll hapësirën e Serbisë që t’u projektojë të ardhme jashtë Kosovës. Drafti e bën të qartë që vendi është republika e Kosovës dhe e ardhmja është bashkëjetesa”, kishte deklaruar Kurti në Kuvendin e Kosovës.
Zëdhënësi i Bashkimit Evropian (BE) për Politikë të Jashtme dhe Siguri, Peter Stano, ka refuzuar të komentojë mbi autenticitetin e draft-statutit të Asociacionit të Komunave me Shumicë Serbe.
Stano, në një prononcim për portalin pan-evropian “Euroactiv” të hënën, ka thënë se “propozimi modern dhe evropian” për Asociacionin e Komunave me Shumicë Serbe në Kosovë është i balancuar dhe së këndejmi, duhet të lëvizet përpara drejt themelimit të këtij mekanizimi, derisa ka shtuar se politika e unionit karakterizohet nga mos-komentimet mbi rrjedhjet e supozuara.
Në përmbajtjen e draft-statutit të Asociacionit të Komunave me Shumicë Serbe në Kosovë përfshihen sfondi, korniza, objektivat, parimet dhe kompetencat kryesore, struktura organizative, financimi dhe marrëdhëniet me autoritetet qendrore. Dokumenti trajton kontekstin ligjor dhe politik, parimet dhe objektivat e përgjithshme të këtij instrumenti vetë-menaxhues.
/GazetaNeutral/
