Recep Tayyip Erdoğan ka shpallur fitoren në balotazhin e zgjedhjeve presidenciale në Turqi.
Erdogan, duke iu drejtuar mbështetësve të tij në Stamboll, ka falënderuar “çdo anëtar të kombit që na përcolli edhe një herë përgjegjësinë për qeverisjen e Turqisë për pesë vitet e ardhshme”, transmeton Indeksonline.
“Ne kemi përfunduar raundin e dytë të zgjedhjeve presidenciale me favorin e popullit tonë”, tha Erdogan, duke shprehur mirënjohjen e tij për kombin.
Ai falënderoi popullin turk për “festën e demokracisë” që vendi ka përjetuar gjatë zgjedhjeve, raporton Al Jazeera.
“Me dëshirën e Zotit ne do të jemi të denjë për besimin tuaj siç kemi qenë për 21 vitet e fundit”, tha presidenti.
Ai shtoi se të gjithë 85 milionë qytetarët e vendit janë “fituesit” e dy zgjedhjeve të 14 dhe 28 majit.
