Deputeti i Parlamentit të Kosovës Gjenerali në pension Hisen Berisha uron ditën e veteranit ani në një postim ne Facebook shkruan “Me sakrificën tonë si popull e UÇK, kemi treguar se çdo ideal është i arritshme kur beson në të, ndaj bëmë të mundur pavarësinë tonë”
Postimi i plotë
Të dashur bashkëluftëtarë veteran – vëllezër të armës, sot me 30 Dhjetorë, dua ta shpreh respektin tim të thellë për të gjithë ne që u rreshtuam në frontin e krenarisë, nderit e lavdisë të Ushtrisë Çlirimtare të Kosovës.
Ishim dhe do mbetemi një shembull frymëzimi për brezat.
Përkundër mostrajtimit dinjitoz institucional dhe gjuhës tendencioze nga çarqe disrespekruese, ne po tregohemi simbol i durimit dhe vendosmërisë për të mbrojtur vlerat tona të shenjta.
Me sakrificën tonë si popull e UÇK, kemi treguar se çdo ideal është i arritshme kur beson në të, ndaj bëmë të mundur pavarësinë tonë.
Si shoqëri kemi detyrë të ruajmë dhe përhapim trashëgiminë e lavdishme të luftës së UÇK, duke trajtuar me respekt institucional atë që është bërë për vendin tonë.
Urime përzemërsisht për ditën e veteranëve të Ushtrisë Çlirimtare të Kosovës!
Nderim, lavdi dhe respekt për luftën tonë të shenjtë!
Lavdi të gjithë dëshmoreve të lirisë!
Gëzuar!