Tash e shtatë vite ministrja e Drejtësisë, Albulena Haxhiu po përballet me një lëndë gjyqësore.
Haxhiu e disa deputetë tjerë akuzohen për hedhjen e gazit lotsjellës në Kuvend.
Në seancën e fundit gjyqësore, Haxhiu deklaroi se kur nuk ka prova prokurorit Ilaz Beqiri duhet të dorëzohet.
Ajo tha se nuk është vonë për prokurorin që të tërhiqet tani.
Kjo gjuhë e ministres po i duket e papërshtatshme juristit, Arbër Jasharit.
Reagim për këtë pati edhe nga Këshilli Prokurorial i Kosovës.
Por a mund të ndërhyjë ministrja kësisoj në punën e prokurorëve?
Kritika ndaj ministres Haxhiu ka pasur edhe nga Lidhja Demokratike e Kosovës përmes një konference për media.
Deputetja e LDK-së, Doarsa Kica Xhelili, tha se Haxhiu nuk e ka kredibilitetin për të udhëhequr drejtësinë kur ajo kërkon nga prokurorët të dorëzohen.
Haxhiut madje po i kërkohet edhe dorëheqja.
Pos LDK-së, edhe nënkryetarja e PDK-së, Vlora Çitaku e kritikoi Albulena Haxhiun përmes një postimi në rrjete sociale.
