Para Parlamentit të Malit të Zi mbreme u mbajt një protestë një orëshe e organizuar nga Forumi i Qytetarëve të Lirë të Luçit dhe opozita, nga ku u njoftua se nuk do ta pranojnë Andrija Mandiqin për kryetar të Kuvendit.
Ata i kërkuan kryeministrit të ardhshëm, Milojko Spajiq, që të shtyjë listën dhe të pranojë të gjitha kërkesat, ose do të pasonte një bojkot të ashpër.
Në politikën rajonale, Mandiq ka marrëdhënie jashtëzakonisht të ngushta me presidentin serb, Aleksandar Vuçiq, dhe me presidentin e Republikës Sërpska në Bosnje e Hercegovinë, Millorad Dodik.
Ai e mohon edhe gjenocidin në Srebrenicë, ku forcat serbe të Bosnjës kanë vrarë mbi 8.000 burra dhe djem myslimanë gjatë luftës së viteve ’90.
Është, gjithashtu, i afërt me ideologjinë e lëvizjes çetnike, e cila ka bashkëpunuar me Gjermaninë hitleriane në Luftën e Dytë Botërore.
Titullin simbolik të dukës çetnik e ka që nga viti 2007.
Mandiq u zgjodh me 49 vota për nga deputetët, ndërkaq opozita e ka lëshuar seancën konstituive, shkruan Vijesti.
