Partie Socialdemokrate ka mbajtur një aksion simbolik para Qeverisë, duke vendosur flamuj me hartën e “cunguar” të Kosovës duke paraqitur komuna që pritet të jenë pjesë e Asociacionit.
Ata kanë ndërruar flamujt e shtetit të Kosovës me një flamur i cili në hartën e Kosovës ka të theksuara me ngjyrë të bardhë pjesët që sipas tyre i përfshin Asociacioni
Flamujt që aktivistët i hoqën, policia tentoi t’i marrë, mirëpo ata nuk ua dhanë duke u përleshur me Policinë.
Kryetari i PSD-së, Dardan Molliqaj, tha se me draftin e Asociacionit të prezantuar në medie janë vizatuar kufi brenda Kosovës. Sipas tij, flamuri tash përfaqëson vetëm dy etni që do të kenë konflikte të vazhdueshme me njëra-tjetrën.
Ai më tej shtoi se krerët e institucioneve kanë ndërruar qëndrime sa i përket dialogu e Asociacionit, raporton EO.
“Nga sot flamuri i Kosovës ka vetëm dy yje që përfaqësojnë dy etnitë, në fakt që përfaqësojnë thelbin fillimin e konfliktit që do të kemi ndërmjet veti pra nga Republika qytetare në Republikë që ndahet në dy etni e konflikt të vazhduese në mes njëra-tjetrit. Mes këtij drafti janë vizatu kufi të brendshëm, ky është aktiviteti i parë që zbërthen më mënyrë simbolike. Nga sot kemi këtë flamur që është flamuri i vërtetë dhe kemi kryeministrin që është kryeministri i Zajednicës pra, jo Albin Kurti po Albin Zajednica”.
“Në qeveritë e kaluar kanë mashtruar, kanë rrejt, këta tash kanë ndërruar çdo qëndrim duke përfshi zv. kryeministrin si kryenegociator, ai kishte deklaruar se do të largohet nga detyra vetëm nëse negociohet ose fillon mu negociuar tani e kem ndërruar krejt Republikën dhe ai do me sjell sikur çdo gjë është normale absolutisht kurgjo nuk është normale absolutisht nuk do e lejojmë që ata të kenë sjellje normale se Kosovën e ka bo jonormale”.Ekonomia Online
