Këngëtarja Tina Turner ka vdekur sot në moshën 83 vjeqare. “Mbretëresha e rock ‘n’ roll-it e ka zënë gjumi i përjëtshëm”, shkruan në një deklaratë përfaqësuesja e këngëtares legjendare.
E quajtur Mbretëresha e Rock ‘n’ Roll-it, Tina Turner ishte e famshme për performancat e saj të egra dhe energjike në skenë dhe vokalin e fortë e të fuqishëm. Ajo pushtoi secilën skenë me zërin e saj.
Tina Turner shihet si një nga yjet më të mëdha absolute në skenën e rock’n roll-it në botë.
Ajo ka lënë gjurmë me hite të paharrueshme si “The Best”, “Proud Mary”, “Private Dancer” dhe “What’s Love Got To Do With It”.
Përveç që ka shitur mbi 200 milionë disqe në mbarë botën, ajo thuhet gjithashtu se ka shitur më shumë bileta koncerti se çdo artist tjetër solo.
Dy vjet më parë, këngëtarja u tha lamtumirë fansave, ajo donte të kalonte vitet e fundit në jetë jashtë vëmendjes.
