Në Festivalin e filmit në Kanë ku u dha premiera botërore e filmit nga Kosova, “Pa vend”, vajza e kryeministrit, Lea pati të veshur fustanin e dizajnuar nga Lirika Matoshi, i punuar nga gratë e Kosovës.
Por atëherë opozita kosovare pati zbuluar se fustani që mbante vajza e Albin Kurtit kushton rreth 500 dollarë.
Zëdhënësja e Qeverisë së Kosovës, Rozafë Kelmendi ka reaguar pas deklaratave se fustani që vajza e Albin Kurtit kishte veshur në festivalin në Francë kushtonte 490 dollarë.
Përmes një postimi të ndarë në ‘Facebook’ Kelmendi shkruan se fustani i Leas është i punuar nga gratë e Kosovës dhe se është marrë ‘borxh’, për ta kthyer më pas.
Kryeministri ndodhet në Kanë në përkrahje të filmit kosovar dhe bashkëshortja e tij, ka huazuar dy fustanë për veten dhe fustanin me dredhëza për të bijën, të disenjuara nga kreatoret kosovare Teuta dhe Lirika Matoshi. Me t’u kthyer në Prishtinë fustanët do t’u kthehen kreatoreve.”
Deputetja e Kuvendit të Kosovës nga radhët e PDK-së, Ganimete Musliu ka kritikuar sërish Qeverinë Kurti, për të cilën tha se si pasojë e dështimeve të tyre qytetarët po paguajnë dëmet, nga qeverisa e dobet e Albin Kurtit i cili secilën ditë zgjohet me skandale.
“Deshtimin e Qeverisë Kurti po e paguajnë qytetaret. Libraritë e qyteteve sot e kishin të vështirë të menagjonin me fluksin e qytetarëve qe mundoheshin te siguronin librat për femijet e tyre”, u shpreh ajo.
Reagimin e saj e vazhdoi duke e quajtur Kurtin mashtrues, i cili sipas saj nuk brengoset për fëmijët e Kosovës pasi vajza i shkollohet në shkolla prestigjoze të Norvegjisë.
“Mashtruesi nuk brengoset për fēmijët Kosovës sepse vajza e tij shkollohet ne shkollat prestigjioze te Norvegjisē. Premtimin pēr ndryshim qytetarët e këtij vendi po e provojnë mbi lëkurë, uroj që të nxjerrin leksionin më të mirë për të sotmen dhe të ardhmën e tyre duke e çuar në pakthim Albinin, kabinetin e tij plaçkitës dhe idenë se me këtë popull politika mund të tallet”, u shpreh ajo.