Kanali Telegram Siva Zona, i afërt me Yevgeny Prigozhin dhe grupin Wagner, konfirmon informacionin se kreu i mercenarëve rusë ka vdekur. Gjithashtu, Anton Gerashenko, këshilltari i Volodymyr Zelensky, shkroi në Twitter se drejtuesit e Wagner konfirmuan se Utkin dhe Prigozhin kishin vdekur.
Ajo që është interesante është fakti se Wagneritët akuzojnë në mënyrë eksplicite ushtrinë ruse se ka rrëzuar avionin e Prigozhinit me një raketë kundërajrore.
Zona Gri siguron se dëshmitarët dëgjuan ‘dy shpërthime karakteristike të funksionimit të mbrojtjes ajrore’ dhe gjithashtu mbështetet në gjurmët e vërejtura në videot e aksidentit të publikuara në internet.
Sipas disa kanaleve Telegram, përfshirë Baz, i cili ka kontakte të mira me forcat e sigurisë, në avion ishte edhe Dmitri Utkin. Ky njeri i matur, i njohur për simpatitë e tij neo-naziste, ishte themeluesi i vërtetë i milicisë “Wagner”, emri i tij i luftës.
Kanali Telegram “Grey Zone”, i cili është i lidhur me grupin Wagner, ka publikuar listën e pasagjerëve të aeroplanit që u rrëzua sot.
Në të ishin Yevgeny Prigozhin, Dmitry Utkin, Sergei Propustin, Yevgeny Makaryan, Alexander Totmin, Valery Chekalov, Nikolai Matusheev dhe kapiteni Alexey Levshin, bashkë-pilot Rustam Karimov dhe stjuardesa Kristina Raspopova.
