Prokuroria Speciale ka vazhduar me paraqitjen e provave në gjykimin e ish-krerëve të UÇK-së.
Prokuroria tha se provat tregojnë që anëtarë të UÇK-së, sipas tyre, u hoqën lirinë qindra individëve, siç u shprehën ata, pa proces të rregullt ligjor.
“’Me këta persona, kolaboracionistët që ishin të shumtë, nuk janë ndëshkuar shumë për atë që ishin në të vërtetë’, ky është një fragment i dëshmisë së Jakup Krasniqit që ka dhënë përpara TPNJ-së me 10 shkurt 2005. Provat që do të dëgjoni, janë në kundërshtim të thellë me këtë pretendim të z.Krasniqi”, thuhet në deklaratën e prokurorisë.
“Provat tregojnë se mes prillit 98 dhe gushtit 99, anëtarë të UÇK-së nën komandë dhe kontrollë të akuzuarit, u hoqën lirinë qindra individëve, pa proces të rregullt ligjor. Këto viktima përfshnin persona që punonin në pylltari, bujqësi, gazetar, persona që punonin për ndërmarrje shtetëore, mësues etj. Shumë ishin mbështetës të LDK-së, ose thjeshtë nuk mbështesnin UÇK-në. Përpara se t’i ndalonin, disa viktima në fakt ishin ushtar të UÇK-së, ndërsa të tjerë, ishin anëtarë të forcave serbe”.
Prokuroria e Speciales ka thënë se personat që u ndaluan jashtëligjshëm, sipas tyre u akuzuan si kolaboracionist.
“Krahas shqiptarëve dhe serbëve, tek viktimat përfshinin romës, malazezët dhe boshnjakët. Provat na tregojnë se këto persona që u mbajtën të ndaluar në mënyrë të jashtëligjshme, u akuzuan ndër të tjera si të ashtuquajtur kolaboracionist, kjo akuzë asokohe ishte shumë e rëndë, madje edhe vjekjeprurëse ndonjëherë. Siç kemi dëgjuar sot, disa nga anëtarë të UÇK-së e abuzuan këtë keqpërdorim”.
“Dyshimet për bashkëpunim shpesh ishin të pabaza. Vet akti i arrestimit apo ndalimit nga ana e UÇK-së, nënkuptonte se viktimat për të cilin ishin ngritur akuza, nuk merrnin pjesë në mënyrë aktive në luftimet që po ndodhnin, këto viktima u morën në pyetje, u rrahën dhe u abuzuan fizikisht apo psikologjikisht. Ama fatkeqësisht ata ishim më fatlumët. Të paktën 102 viktima nuk mbijetuan, por vdiqën mizorisht, sepse konsideroheshin kundërshtar”, thuhet tutje në deklarimin e prokurorisë.
