Aleanca për Ardhmërinë e Kosovës (AAK) pritet të mbajë sot mbledhjen e Kryesisë së saj qendrore.
Gazeta Nacionale ka mësuar se në këtë mbledhje, e cila pritet të fillojë në ora 17:00, nuk pritet të ketë ndonjë dorëheqje.
Sipas burimeve brenda AAK-së, në këtë mbledhje do të diskutohen zhvillimet e fundit politike në vend.
Po ashtu, pritet që pjesë e diskutimeve të jenë edhe përgatitjet e Aleancës në rast të mbajtjes së zgjedhjeve të parakohshme parlamentare.
Në zgjedhjet e fundit lokale, AAK-ja ka triumfuar në 5 komunat ku kishte qeverisur deri tani, kurse do të përfaqësohet në asambletë komunale me 98 asambleistë.
