I dërguari i SHBA-ve për Ballkanin Perëndimor, Gabriel Esocbar po qëndron në Bruksel të hënën.
Zyrtari i lartë i Departamentit Amerikan të Shtetit ka udhëtuar në kryeqendrën evropiane me rastin e takimit që do të zhvillohet sot mes kryeministrit të Kosovës, Albin Kurti dhe presidentit të Serbisë, Aleksandar Vuçiq.
Kështu ka bërë të ditur korrespondentja e RTK-së, Gjeraqina Tuhina nga Brukseli.
Ajo nuk ka arritur të konfirmojë nëse Escobar do të marrë pjesë në takimet mes palëve, por ka thënë se ai është parë në Bruksel.
“Në qytet gjendet edhe Gabriel Escobar, akoma nuk ka konfirmim se do t’i takojë palët por vetëm prezenca e tij tregon edhe për presion e pritjet e larta që ka jo vetëm BE-ja por edhe Amerika që ky takim të rezultojë pozitivisht”, ka thënë ajo në lidhje direkte në RTK.
Kurti dhe Vuçiq do të takohen në Bruskel të hënën. Ata do të zhvillojnë takime të ndara me kryediplomatin e BE-së, Joseph Borrell dhe emisarin për dialog, Miroslav Lajçak. Pas këtyre takimeve, pritet të mbahet një takim tre palësh mes përfaqësuesve të BE-së dhe liderët e dy vendeve. /Paparaci.com
