Analisti Dardan Islami ka bërë një koment në lidhje me zhvillimet e fundit në dialogun mes Kosovës dhe Serbisë dhe në lidhje me situatën në veri.
Ai ka thënë që Serbia ishte në pozicion të disfavorshëm pas agresionit rus në Ukrainë, duke “iu mbyllur dera e manovrimit”.
Islami beson që ishte vetë Kosova që “i hapi një shteg”.
Ai ka shtuar se Vuçiqit i duhet “status quo-ja”, por jo edhe Kosovës. Një gjë të tillë në një mënyrë më të ndryshme e kishte potencuar edhe kryeministri Kurti, që kishte thënë se përmes tensioneve në veri, presidenti i Serbisë po provonte ta maskonte “refuzimin” e planit franko-gjerman.
Megjithatë, kjo duket se nuk ka bindur partnerët ndërkombëtarë të Kosovës që trysninë e tyre vazhdojnë ta ushtrojnë ndaj vendit dhe qeverisë tonë.
Islami lë edhe një koment më të përgjithshëm në statusin e tij duke u shprehur se “Albin Kurti nuk është që i ka bërë hair Kosovës këto 15 vjet në marrëdhënie ndërkombëtare”.
