Shkruan: Behxhet Sh. SHALA – BAJGORA
DHUNUESIT E KUSHTETUTËS Të hurit e të konopit , injorantë : Gjykata Kushtetuese në një vend normal është Mali Olimp i interp retimit të Kushtetutës së vendit , mbi te është vetëm Gjykata për të Drejtat e Njeriut në Strasbur , Francë . Kosova nuk është anëtare e Këshillit të Evropës falë mashtruesve Kurthi , Osmani , Shvarc dhe Konjufca që u përpoqën t’i mashtrojnë baballarët e mashtrimit – ndërkombëtarët . Kurthi dhe Zonja Vdekje e ” diplomacisë ” kosovare , brenda natës ua bartën pronat popave të Manastirit të Deçanit duke dhunuar rregullat e kadastrit gjithnjë duke u thirrur në një vendim të Gjykatës Kushtetuese .
Zbatimi i vendimeve të Gjykatës Kushtetuese për popat e Manastirit nuk i bë në fillim të mandatit qeverisës por në fund. Po të ishte bërë në fillim të mandatit sot Kosova do të ishte në Këshill të Evropës . Patriotizmi folklorik i mashtruesve , edhe i pajisi me fletë poseduese popat e Manastirit të Deçanit për toka që ua kishte dhuruar Sllobodan Millosheviqi , edhe na la jashtë Këshillit të Evropës. Fillimisht nuk e pranuan vendimin e Gjykatës Kushtetuese , pastaj për një bythë pushteti brenda 24 orëve e zbatuan këtë vendim.
Kur Gjykata Kushtetuese e rrëzoi qeverinë e KM Avdullah Hoti , këta musketirët e patriotizmit folklorik , antikombëtarë dhe mjeranë mashtrues e lavduan këtë Gjykatë deri në qiell. Çdo vendim i GJK që ishte në dobi të pushtetit , përkrahej dhe glorifikohej , deri në orgazëm . Në të kundërtën , çdo vendim që ua shkelte kallon e pushtetit sulmohej nga , kryesisht militantë injorantë që nuk kanë as njohuri elementare për Kushtetutën . Paraprakisht , fitilin e këtyre sulmeve e ndezte , Albin Kurthi e që pastaj , në vallen e injorancës mindilin e merrte Lenka Haxhiu , Arbëresha , Sali Protopapa , Lil Kumbara i spasiqëve , Lal Culla , Elbert Krasniqi , Donika Shvarc , Pec Krymbi etj.
Për ta përfunduar vallen e injorancës , mindilin ( nga xhepi i doktor hajnit ) e merrte një super mashtruese dhe super përfituese , Vojsa Osmani. Me rëndësi jetike është se Lenka Haxhiu dhe Vojsa Osmani janë juriste që edhe më shumë e komprometojnë besimin në shtetin ligjor dhe shtetin e së drejtës. Pas zgjedhjeve të 9 shkurtit 2025 kur lëkundej pushteti , Kurthi me zonjën Mihalidis u përcaktuan për bllokim të formimit të institucioneve duke e ngritur lart flamurin e patriotizmit të rremë – luftën kundër Listës Serbe . Lufta bëhej përmes marionetave në KQZ – ë dhe vendimeve të Gjykatës Kushtetuese. Paralelisht donin ta shpallnin Listën Serbe si organizatë terroriste , jo me vendim të gjykatës por me vendim politik duke u mbuluar me Millan Radoiçiqin kurse , në anën tjetër shefja e GP – së të LVV – së , mercenare e të gjitha pushteteve , Mimoz Kusari shkrihej duke u llafosur me Sllavko Simiqin dhe Millan Radoiçiqin , si biseda midis zemlakut dhe zemlakes . Pas çdo vendimi ua bënin publik emrat e gjykatësve të GJK që nuk ” ua krehnin bishtin..” , duke ua bërë pushkatimin publik.
Një gjykatësi të Gjykatës Supreme ia ndryshuan emrin dhe përkatësinë etnike , nga Leku e bënë Elek. Rrogëtarja permanente e Kurthit , Vojsa Osmani , për ta rifituar besimin e gospodarit , thirri mbledhje të jashtëzakonshme për media . Mendova se po i shpallë luftë Serbisë , jo shkaku i Kosovës por shkaku i Ukrainës . Kur , kjo super mashtruese dhe super përfituese tha se rreziku kryesor për Kosovën është Llabani , prandaj të gjithë duhet t’i bashkangjiten këtij inkursioni të sajuar , jo për të mbrojtur rendin kushtetues por për të siguruar edhe një mandat. Brutaliteti i sulmeve ndaj Gjykatës Kushtetuese ka qenë i pashembulltë për një vend normal dhe politikanë normal ! Qëllimi ka qenë që vendi të zhytet në një krizë për ta instaluar dhe legalizuar anarkinë e menaxhuar mirë për ta mbajtur pushtetin.
Kjo nuk ka lidhje as me ” luftën ” kundër Listës Serbe e as me Llabanin , është vetëm pretekst për një çmenduri të orkestruar të grabitësve të pushtetit , antikombëtarë , anti shtet dhe anti UÇK – ë . Sikur që çdo gjë e ka një fund , edhe këto sulme do ta kenë një sulm , të imponuar nga frika , gjithsessi. Nga frika nga ndërkombëtarët . Pas pezullimit të Dialogut Strategjik , bisedës nga DASH – i me kryetarin e GJK dhe vizitës së shefit të EULESH – it gjyqtarit Leku , shqiponjat e LVV – së u bënë pula të ndukura . Siç thotë Kurthi ; brenda shqiponja me ndërkombëtarët pula ( për regjimin e ” vjetër “..) , edhe regjimi aktual është i njëjtë , edhe më të mjerë madje. Nga frika se mund të sanksionohen edhe më shumë janë shndërruar në pula. Në fakt i janë kthyer origjinës , asnjëherë nuk kanë qenë shqiponja ! Janë paluar përkohësisht . Kurthi në vizitat e kurdisura në Amerikë ia dha një rrebesh GJK të Kosovës para një grushti komunistësh amerikanë . Cili do të jetë vendimi i GJK : Nuk jam njohës i GJK të Kosovës si Kadriu psh. por mendoj se mund të jetë vetëm një vendim normal dhe kushtetues ; rikthimi në pako i votimit për nënkryetarët e pakicave . LVV – ë është para një sfide , po nuk e votuan Simiqin , nuk votohet as Emily Bronte Redzepi .
Një propozim miqësor edhe për LVV – në , edhe për opozitën ; votoni kandidatët e propozuar nga pakicat , as nuk bëni tradhti e as nuk bëheni më patriotë ! Kështu keni votuar në vitin 2021 , dhe , asgjë nuk humbët ! Votoni dhe merruni vesh për një koalicion qeverisës , nuk ka tjetër rrugëdalje . Qoftë edhe deri në zgjedhje të reja ! Gara për Prishtinën : Janë tre kandidatë vetëm për një post të kryetarit , Përparim Rama , Hajnrullah Çeko dhe Uran Ismaili . Rama qeverisjen e ka rutinë , Çeko nuk ka personalitet por e ka partinë e fortë. Uran Ismaili ka personalitet por ngecë me parti . Përkundër simpative apo dëshirës , jam fort i sigurt se Përparim Rama do të fitojë edhe një mandat nëse në ndërkohë nuk ndodhë ndonjë shembje e madhe . Do të jenë intetesante koalivëcionet pas balotazhit , do të ketë koalicione të pabesueshme ! 29 shtator 2025 Prishtinë Behxhet Sh. SHALA – BAJGORA
