Në hetimin e dyshimeve për krim në Lotarinë e Maqedonisë është i përfshirë edhe ish-kryeministri Dimitar Kovaçevski, mëson Kurir nga burime në hetim. Kontrollohet funksionimi dhe ndikimi i tij në këtë rast.
Ekipet e policisë paraditen e sotme po kryejnë kontrolle në disa lokacione për shkak të dyshimeve për krim të organizuar në Lotaria. Sipas informacioneve të Kurir, kontroll është kryer edhe në shtëpinë e ish-zëvendëskryeministrit të parë Artan Grubi, por siç mësohet ai nuk është gjetur.
E njëjta gjë ka ndodhur edhe kur policia ka bastisur shtëpinë e ish-drejtorit të Lotarisë së Maqedonisë, Prparim Bajrami. Dhe ai nuk ishte në shtëpi. Autoritetet hetimore maqedonase dyshojnë se ai ka ikur në Kosovë disa muaj më parë. Nga njerëzit e afërt të Bajramit ka pasur një premtim se ai do të kthehet, por organet e rendit në Maqedoni me siguri do të lëshojnë urdhër për të dhe për Artan Grubin.
