Analisti Shkëlzen Gashi ka thënë se opozita ka urrejtje patologjike ndaj kryeministrit Albin Kurti. Përmes një shkrimi në Facebook, Gashi ka rekomanduar edhe një “terapi” për opozitën. “1. ecje e shpejtë çdo ditë nëpër shtigjet e gërmisë (9.6 km të tri shtigjet, kryhet per max 90 min);
2. ushqim i shnetshëm, kryesisht pemë e perime… ujë me ph mbi 8, vo veç t’katunit, vaj ullini ekstra virgjin… 3. terapi grupore n’hapësina t’mëdha e t’mbylluna, pa prani t’mediave dhe pa telefona, ku e shani fort albin kurtin dhe e nxjerrni krejt t’keqtit”, shkroi Gashi.
Postimi i plotë i tij:
SERVILIZMIN E KEMI ETERNAL
Ekzistojnë plot dokumente e dëshmi që e vërtetojnë se prej vitit 1945 e deri në vitin 1948 Shqipëria ishte shtet vazal i Jugosllavisë.
Adem Demaçi më tregonte se në fund të pranverës së vitit 1946, sapo e kishte përfunduar shkollën fillore, ishte përzgjedhur, bashkë me 100 pionierë jugosllavë (nga Kosova ishin zgjedhur tre nxënës të dalluar: Musa Dobruna, Veli Vraniqi dhe Adem Demaçi), për t’i kaluar pushimet verore në Shqipëri bashkë me 400 pionierë shqiptarë:
«Për plot dy muaj e gjysmë radhazi, jemi mbledhë të gjithë pionierët për çdo mëngjes dhe, derisa e kemi ngritë flamurin jugosllav, e kemi kënduar himnin e Jugosllavisë. Gjatë kësaj kohe s’ma ka zënë syri askund në Shqipëri as edhe një fotografi të vetme të Enver Hoxhës; ishte vetëm ajo e Titos, çka dëshmon se asokohe Jugosllavia e kishte futë Shqipërinë krejtësisht nën kontroll».
