Më shumë se 100 persona të plagosur janë transportuar në spitale në të gjithë Zvicrën, pas tragjedisë të ndodhur në natën e ndërrimit të viteve në një resort skish.
Drejtorja e Spitalit Universitar të Lozanës thotë se deri më tani kanë marrë përsipër 22 persona.
Claire Charmet i tha gazetës zvicerane 24 Heures se pacientët, mesatarisht të moshës 16 deri në 26 vjeç, janë “rastet më serioze”.
Nga rastet më të rënda, Charmet thotë se rikuperimi do të jetë “një proces i gjatë dhe intensiv, që do të zgjasë disa javë, ndoshta edhe muaj”.
Ajo shton se është “shumë herët për të përcaktuar” nëse ndonjë nga pacientët është në rrezik, duke thënë se përparësia ka qenë “pritja e pacientëve, identifikimi i tyre, lidhja e tyre me familjet e tyre dhe sigurimi që procesi i kujdesit po funksionon”. /tch
