Sot u mbajt Kuvendi konstituiv i degës së ‘Organizata Shqiptaria’ në Prizren, një ngjarje që shënon zgjerimin e mëtejshëm të organizatës në rajone të ndryshme. Pas Pejës, Drenasit dhe Besianës, tashmë gati gjysma e komunave të Kosovës kanë themeluar degën e Organizatës Shqiptaria. Sipas Sekretarit Organizativ, Basri Beka, “Ky është një hap i rëndësishëm në forcimin e ndikimit të ‘Organizata Shqiptaria’ dhe në avancimin e misionit të saj për promovimin e kulturës, identitetit kombëtar dhe zhvillimin e shoqërisë shqiptare.”
Pjesëmarrës në kuvend ishin intelektualë të shquar dhe grupe të ndryshme shoqërore që mbështesin vizionin dhe objektivat e organizatës. Të pranishmit, duke përfshirë akademikë, aktivistë dhe liderë të komunitetit, shprehën mbështetje të fortë për strategjitë dhe iniciativat e propozuara nga ‘Organizata Shqiptaria’.
Sipas aktorëve kryesorë të Organizatës Shqiptaria, ky zgjerim dhe mbështetje e gjerë janë një dëshmi e përkushtimit të thellë për promovimin e vlerave dhe qëllimeve të përbashkëta, me qëllim forcimin e rolit të saj në përmirësimin e jetës së shqiptarëve dhe ndihmën për zhvillimin e qëndrueshëm të komunitetit.
Organizatorët paralajmërojnë për vjeshtën “Tsunami në mbrojtje të vlerave kombëtare.”
