Osmani përmes një postimi në llogarinë e saj në Facebook tha se në këtë takim “riafirmuam partneritetin tonë me Aleancën më të fuqishme të sigurisë në botë”, duke theksuar edhe synimin drejt anëtarësimit në NATO.
Postimi i plotë:
Kosova në NATO nuk është vetëm përcaktim strategjik – por domosdoshmëri për paqen.
Në takim me Sekretarin e Përgjithshëm të NATO-s, Mark Rutte, riafirmuam partneritetin tonë me Aleancën më të fuqishme të sigurisë në botë.
Si vend që ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës, synimi ynë është i qartë: anëtarësimi në NATO si një kontribuues i palëkundur për sigurinë rajonale dhe globale.
