Po vazhdon pjesa e dytë e seancës gjyqësore për vrasjen e Liridona Ademajt, ku po dëshmon qiradhënësi i veturës, Jeton Binaku.
Siç raporton “Reporteri”, Binaku gjatë dëshmisë së tij i kishte thënë Granit Plavës, njërit prej të akuzuarave për vrasjen e Liridonës, se nëse viktima është shtetase suedeze do të zbulohej rasti, transmeton Klankosova.tv.
“Unë i kam thënë Granitit se nëse është shtetase suedeze, do të zbulohet rasti. Kam thënë se në Prishtinë ka shumë kamera dhe rasti mund të zbulohet”, deklaroi ai.
“I kam thanë Granitit pasi ka ndodh rasti shqiptari me lanë, me mbytë gruan e me ikë nuk e ka traditë”, u shpreh Binaku gjatë dëshmisë së tij në Gjykatën Themelore të Prishtinës.
Në seancën kundër të akuzurave Naim Murseli, Granit Plavës dhe Kushtrim Kokallës, të hënën në mëngjes dëshmoi edhe mjeku që bëri autopsionë e Liridona Ademajt, Naim Uka.
